Endurnýja einstaklega lítið nýttan malarvöll á Klambratúni með því að koma fyrir á honum upphituðu, hágæðagervigrasi. Mikilvægt að gæðagúmmí sé notað sem litar ekki fatnað svartan til að hámarka notagildi fyrir almenning.
Núverandi malarvöllur er á frábærum og skjólsælum stað til útivistar en er einstaklega lítið nýttur vegna úrelts undirlags. Íþróttafélög og skólar í nágreninu myndu nýta sér völlinn til kennslu og æfinga. Völlurinn myndi einnig lengja nýtingartíma almennings af Klambratúni til útivistar.
Þarna er algerlega ónýtt svæði. Með stóru gervigrassvæði opnast möguleikar á að nýta það allt í heild eða skipta upp í minni svæði fyrir ýmsar greinar ekki eingöngu boltagreinar. Þarna gætu verið brennómót - krossfit/bootcamp/frjálsíþróttaæfingar. Væri vert að athuga möguleika á einhverskonar færanlegum skilrúmum til að stækka/minnka svæði eftir þörfum hverju sinni. Möguleikarnir eru óþrjótandi.
This content is created by the open source Your Priorities citizen engagement platform designed by the non profit Citizens Foundation