Engin aðstaða fyrirfinnst í sundlaugum Borgarinnar fyrir yngstu kynslóðina, 2-6 ára þegar kemur að pissuskálum og klósettum. Þar sem börn eru stór hluti þeirra sem fara í sund er lágmark að þau njóti aðstöðu sem henti þeim en ekki að þeim sé haldið uppi á meðan þau pissi í pissuskál.
Ég og fjölskyldan förum oft í sund og höfum gaman af að heimsækja þær sem flestar á höfuðborgarsvæðinu. Laugardalslaugin stendur okkur þó nærri og fylgdumst við spennt með endurbótunum á henni. Sem faðir ungs stráks átti ég von á að sjá pissuskál eða jafnvel klósett sem hæfði hans aldri og hæð líkt og við eigum að venjast t.d. í Sundlaug Kópavogs/IKEA. Því miður er þessi aðstaða ekki til staðar en ég vil hvetja Reykjavíkurborg að gera bragarbót í þessu, helst í öllum sundlaugum Borgarinnar.
This content is created by the open source Your Priorities citizen engagement platform designed by the non profit Citizens Foundation