Miðlína á alla sameiginlega stíga

Þetta tíðkast erlendis og tryggir að allir gangi og hjóli hægra megin á stígum. Það verður því minni ruglingur og slysahætta þegar taka þarf framúr eða mætast á stígum borgarinnar.

Með því að allir séu á sömu blaðsíðunni, hægra megin, þarf EKKI að víkja fyrir umferð á móti eins og stundum vill gerast. Rétt eins og í almennri umferð. Þeir sem fara hraðar, hlauparar og hjólarar, þurfa síðan að gæta að sér þegar farið "fram úr". Rétt eins og í almennri umferð. 👌

Gangandi eru ekki vanir mikilli annarri umferð á göngu/sameiginlegum stígum en nú hefur umferð breyst. Iðuðlega víkja þeir til vinstri en lög gera ráð fyrir að vikið sé til hægri. Þetta skapar áhættu. Einnig skapaði eldri málun á sameiginlegum stígum rugling. Þá ganga hundaeigendur iðulega vinstra megin á stígum. Ef stígar verða málaðir þá fer ekki á milli mála hvar fólk á að vera.

Mikilvægt skref í samhæfingu á höfuðborgarsvæðinu. Núverandi línur á sumum stöðum en ekki öllum skapa meiri rugling en þörf er á. Með því að hvetja alla til að nota hægri regluna eru minni líkur á misskilningi og slysum.

Miðlínur eiga rétt á sér þar sem þær bæta umferð og öryggi. Slíkt er þó ekki algilt. Eitt það besta við nýja stíginn á Birkimel er að hann er breiður og þar nýta hann allir saman. Umferðin er það hæg að það þarf ekkert neinar reglur til að koma í veg fyrir árekstra. Ef hjólreiðafólk vill hjóla hratt fer það bara niður á götuna. Allir sáttir. Með miðlínu yrði stígurinn þrengri á að líta og ekki eins aðlaðandi og nú er. Oft eru færri reglur betri.